Stephen John Owen

Wedi ei fagu yng Nghaernarfon ac ym Môn, mae ei fagwraeth wedi dylanwadu'n fawr ar ei waith. Yn blentyn, treuliodd lawer o wyliau'r ysgol ar yr Ynys yng nghartref ei Nain.

​

Yn y blynyddoedd diweddarach, fel dyn ifanc bu'r delweddau trefol o Gaernarfon yn ddylanwad mawr ac fe'u mynegir yn glir yn ei waith celf. Roedd yn mwynhau celf fel pwnc yn yr ysgol a chafodd ei ddylanwadu a’i annog i beintio gan ei athro celf William Selwyn.

​

Mae gan Stephen ei arddull unigryw ei hun o beintio. Mae ei angerdd yn parhau i esblygu a datblygu ac mae’n chwilio’n barhaus am ysbrydoliaeth o’i amgylchoedd. Ei destun, a’i ysbrydoliaeth erioed yw’r tirwedd a’r amgylchedd wledig o’i amgylch. Mae’n dal cymeriad arbennig y pentrefi, y ffermydd a’r hen fythynnod chwarelwyr sydd wedi ei amgylchynu ar hyd ei oes yn syml ac yn ddidwyll. Mae'n arwisgo'r golygfeydd cyfarwydd gydag urddas a dynoliaeth.

​​